We du am schlaafe bisch

Es Ührli tigget liisli vor sech hi,

u i due langsam d Ouge uf.

Merke dasi gar nid eleini bi,

wasi gseh nimmt mir fasch dr Schnuuf.

Es Gsicht wine Ängu ligt da näbe mir.

Nid dases ds erscht mau wär,

hesch ja gseit hesch mi gärn,

u i zwiifle ja o nid a dir -

nume dra z gloube faut mir ging no schwär.

Ligsch da u weisch nid wi gärn dasi di ha.

U we üsi Liebi o nid für immer isch,

i luege dr zue we du am schlaafe bisch.

Schtriichle dis Haar u hoffe es isch kei Troum,

hoffe es isch wahr.

Wett nie meh erwache fausi am tröime bi.

Guet ds nid weisch was i aus miech dür di,

gieng für di dür ds Füür,

gieng dür d Höu für di,

nüt isch mi für di z tüur.

i wirde ging da si für di,

abr wüsse muesches ni.

Schöner chönti erwache nid si,

aus ds erwache näbe dir.

I wünschti dä Momänt göng nie vrbi,

uuu das wünschti mir.

Ha itz scho chli Angscht,

dass widr mau chöntsch ga,

drum gniessis umso meh,

dasi di i darf i mine Arme ha.

u wis witrgeit wärdemr gseh.

Ligsch da u weisch nid wi gärn das i di ha.

U we üsi Liebi o nid für immer isch,

i luege dr zue we du am schlaafe bisch.

Schtriichle dis Haar u hoffe es isch kei Troum,

hoffe es isch wahr.

Wett nie meh erwache fausi am tröime bi,

guet ds nid weisch was i aus miech dür di,

gieng für di dür ds Füür,

gieng dür d Höu für di,

nüt isch mir für di z tüur.

i wirde ging da si für di,

abr wüsse muesches ni.

(Gölä)